Էլվիս Փրեսլիի զինվորական համազգեստը աճուրդի է հանվել

Զինվորական համազգեստը, որով զինծառայող Էլվիս Փրեսլին ներկա էր լինում պաշտոնական ռազմական միջոցառումներին, վաճառքի է հանվել Heritage Auctions աճուրդի տան կողմից, գրում է The Daily Mail-ը: 

Այն նախատեսվում է վաճառել առնվազն 13 հազար դոլարով:

Աճուրդի տան ներկայացուցիչների խոսքերով` կոլեկցիոներների հետաքրքրությունը համազգեստի հանդեպ պետք է բավական մեծ լինի, քանի որ Էլվիս Փրեսլին եղել է ամերիկյան բանակի ամենահանրահայտ զինվորը: