Ռուսական հայտնի երգչուհու մոտ անձի երկատման վտանգ է եղել

Հայտնի «Ստրելկի» ("Стрелки") խմբի նախկին երգչուհի Յուլյա Բերետտային ստիպել են ամբողջովին փոխել իմիջը։ Երգչուհին, որը սովորաբար հագնվել է «տղայական ոճով», ստիպված է կրել կարճ շրջազգեստներ և բարձրակրունկ կոշիկներ։ Այս զոհողությունները մեկ նպատակ են հետապնդում՝ խաղալ Իգոր Կորոբեյնիկովի «Խփված օդաչուն» ("Сбитый летчик") ներկայացման մեջ։

Utro.ru–ի տվյալներով՝ երգչուհու դերասանական առաջին փորձը գրեթե հանգեցրել է նրա մոտ անձի երկատմանը։ Լրատվականի թղթակցի հետ զրույցում Յուլյան խոստովանել է, որ իրեն խելագարության չափ դուր է եկել ներկայացմանն իր մասնակցությունը, սակայն քանի որ իր հերոսուհին ներկայացման մեջ մի քանի կերպար ունի, իր մոտ խնդիրներ են առաջացել սեփական «ես»–ը պահպանելու հարցում։
Չնայած հագեցած աշխատանքային ժամանակացույցին՝ Բերետտան հիանալի տեսք ունի։ «Ես փորձում եմ շատ քնել և վարել առողջ ապրելակերպ։ Դիետաներից էլ չեմ օգտվում»,– իր գրավչության գաղտնիքն է բացահայտել նախկին երգչուհին։