Պուտինը դեմ է ԱՊՀ երկրների մուտքի արտոնագրային ռեժիմի ներդրմանը

Վարչապետ Վլադիմիր Պուտինը հայտարարել է, որ բացառում է նախկին խորհրդային հանրապետությունների միջև վիզային ռեժիմի ներդրումը։

«Այդպիսով մենք ամեն ինչ կկորցնենք, այնպես, ինչպես ռուսաց լեզուն է հայտնվել վտանգի տակ», – հայտարարել է նախագահի թեկնածուն՝ իր վստահված անձանց հետ հանդիպման ժամանակ։

Նա ընդգծել է, որ նման որոշումը Ռուսաստանի համար կարող է «բացասական ազդեցություն ունենալ երկարաժամկետ ռազմավարական ծրագրերի վրա, ինչն էլ կարող է ազդել մեր տնտեսության զարգացման վրա», – հաղորդում է «Интерфакс»–ը։