ՌԴ ռազմածովային ուժերի զարգացման 30-ամյա նախագիծը պատրաստ կլինի մինչև հունիս. Ռոգոզին

«ՌԴ ռազմածովային ուժերի հզորացմանն ուղղված 30-ամյա նախագիծը պատրաստ կլինի մինչ 2012-ի հունիս ամիսը»՝ Թվիթերի իր էջում կիրակի օրը գրել է Ռուսաստանի փոխվարչապետ Դմիտրի Ռոգոզինը։ Կառավարությունում հենց նա է համակարգում ռազմաարդյունաբերական ոլորտի գործունեությունը։

2011-2020 թթ. համար սպառազինության պետական ծրագրով ռուսական ռազմածովային ուժերի վերազինման համար տրամադրվելու է 4.7 տրիլիոն ՌԴ ռուբլի։ Անցած տարի սուզանավերի, ռազմանավերի շինարարության և դրանց վերանորոգման աշխատանքների համար դաշնային բյուջեից տրամադրվել է 85 մլրդ ռուբլի, այս տարի նախատեսվում է ծախսել մոտ 93 մլրդ ռուբլի։

Ծրագրվածի համաձայն՝ մոտ ապագայում ՌԴ ռազմածովային ուժերի հիմնասյունը շարունակելու է մնալ ստորջրյա տորմիղը, որը մոտակա մի քանի տարիների ընթացքում համալրվելու է 2 տեսակի ատոմային և 2 տեսակի դիզելային–էլեկտրական սուզանավերով։ Հաղորդում է «РИА Новости»–ն։