Սոբչակը դասախոսություն է կարդալու

Հայտնի հաղորդավարուհի Կսենիա Սոբչակը, որին շատերը ճանաչում են «Դոմ-2» հեռուստանախագծից, որոշել է իրեն փորձել լրիվ այլ բնագավառում։

Նա մտադիր է շրջագայել Ռուսաստանի տարածքով և դասախոսություններ կարդալ ռուսների համար։ Այս մասին նա հայտարարել է ռուսական հեռուստաալիքներից մեկի եթերից։

Նշենք, որ Սոբչակը շրջագայության է մեկնելու բացառապես սեփական միջոցներով։ Այս որոշումը Կսենիան կայացրել է անցած շաբաթ օրը Ռուսաստանի տարբեր շրջաններում տեղի ունեցած բողոքի ցույցերի ֆոնին։

Դասախոսություններ կարդալուց բացի Սոբչակը ծրագրել է նաև շրջագայության ընթացքում հանդիպել ռուս երիտասարդության հետ և կիսվել նրանց հետ Ռուսաստանում կատարվող իրադարձությունների մասին ունեցած իր կարծիքով։