«Սոչի 2014»-ի կազմկոմիտեն սկսում է կամավորների զանգվածային հավաքագրումը

Փետրվարի 7-ից սկսած «Սոչի 2014»-ի կազմկոմիտեն սկսում է կամավորների զանգվածային հավաքագրում՝ Օլիմպիական խաղերը սպասարկելու համար։ Ցանկացողները կարող են էլեկտրոնային հայտ ներկայացնել vol.sochi2014.com կայքում, որից հետո մի քանի օրվա ընթացքում պատասխան նամակ կստանան՝ որոշիչ հարցազրույցին մասնակցելու հրավերքով։

Կազմկոմիտեի կանխատեսմամբ կլինի մոտ 200 հազար դիմում, ինչը նշանակում է, որ 1 տեղի համար կպայքարեն 8 թեկնածուներ։ Գործընթացի սկիզբն ազդարարող միջոցառում տեղի կունենա Սոչիում, որի ընթացքում կամավորները կվառեն հսկայական «սիրտը», որը համարվում է «Սոչի 2014»-ի կամավորների շարժման խորհրդանիշը։ Բացի այդ մասնակիցները միմյանց են փոխանցելու փոքրիկ վառվող «սիրտ», ինչը, կազմակերպիչների կարծիքով, կդառնա գեղեցիկ ավանդույթ և կնպաստի մեծ թվով մարդկանց՝ կամավորական շարժմանը ներգրավվելուն։ Աղբյուրը՝ «ИТАР-ТАСС»։