«Հայաստան - Ռուսաստան ամուսնությունը»

Մաքսային միությանը միանալու հայկական կողմի որոշումանը անարձագանքել է նաև «The Wall Sreet Journal»-ը՝ որակելով այդ քայլը «դավաճանություն ԵՄ-ի նկատմամբ, և ամուսնություն Մոսկվայի հետ»։

ԵՄ-ի հետ փոխհարաբերությունների զարգացման ձգտող ՀՀ՝ Մաքսային միությանն ինտեգրվելը պարզապես ապշեցրել է եվրոպացի դիվանագետներին: «Տարածաշրջանում ազդեցության համար մղվող պայքարում Կրեմլը հաղթեց Բրյուսելին»,-նշում են պարբերականի աշխատակիցները: Վերջիններիս խոսքերով՝ նոյեմբերին Վիլնյուսում ԵՄ-ի հետ Ասոցացման համաձայնագիր կնքել պատրաստվող Հայաստանի վրա Ռուսաստանի գործած ճնշման արդյունքը եղավ Մաքսային միությանն անդամագրվելու որոշման ընդունումը: «Բրյուսելը չի կասկածում, որ Երևանի անսպասելի պահվածքը պայմանավորված է նրանով, որ Մոսկվան գների բարձրացմամբ պատժեց Հայաստանին՝ ԵՄ-ի հետ ավելի մտերմանալու ցանկության պատճառով»,-ընդգծում է պարբերականը:

Եվրախորհրդարանի արտաքին գործերի հանձնաժողովի լեհ անդամ Յացեկ Սարյուս Վոլսկին, մեկնաբանելով իրողությունը, նշել է. «Այն, որ Հայաստանի վրա ճնշում է գործադրվում, նորություն չէ, և մենք այդ մասին գիտեինք։ Սակայն այն, որ Հայաստանը կտրվի այդ ճնշումներին ու կփոխի իր որոշումը, արդեն մեծ անակնկալ էր։ Սակայն ամենամտահոգիչն այն է, որ Հայաստանի որոշումը կարող է դոմինոյի ազդեցություն ունենալ բոլոր այն երկրների համար, որոնք կանգնած են Ռուսաստան - ԵՄ ընտրության առաջ». հաղորդում է «The Wall Sreet Journal»-ը: