Financial Times: Պորտուգալիայից տարեկան արտագաղթում է ավելի քան 100 հազար մարդ

Պորտուգալիայից արտագաղթածների թիվը հասնում է տարեկան 100 հազարի. գրում է The Financial Times-ը:

«100 հազարը արտագաղթի մեծ ալիք է 10 մլն բնակիչ ունեցող երկրի համար»,-ասում է սոցիոլոգ Ժոաո Պեիշոտոն:

Նման մակարդակ գրանցվել է երկրում 1960-ական թվականներին, բայց այդ ժամանակ երկիրը լքում էին անկիրթ մարդիկ, հիմնականում՝ գյուղատնտեսական ոլորտի աշխատակիցները: Այժմ արտագաղթում են քաղաքների բարձր որակավորում ունեցող մասնագետները:

Գործազրկությունը երկրում կազմում է 16,4%, իսկ մինչև 25 տարեկան գործազուրկների տոկոսն ավելի բարձր է՝ մոտ 37: