Սերգեյ Զվերևն ամուսնանում է

Մոսկովյան երեկույթներում վերջին շրջանում ամենաշատ քննարկվող լուրերից մեկն այն է, որ ռուսական շոու–բիզնեսի, ոճի, ճոխության և գլամուրի գլխավոր աստղերից մեկը՝ Սերգեյ Զվերևը, շատ մոտ ապագայում վերջապես կամուսնանա։

Ըստ շրջանառվող խոսակցությունների՝ նա հոգնել է միայնությունից և պատրաստ է ընտանեկան կյանք սկսել։ Նրա ընտրյալը երգչուհի Ելենա Գոլիցինան է, ով չի զիջում «վարսահարդարի արվեստում ռուսների մեջ հավասարը չունեցող» Զվերևին իր «գլամուրությամբ»։

Արդեն մի քանի ամիս է՝ զույգն անբաժան է։ Աստղերի կյանքը լուսաբանող որոշ լրագրողներ արդեն վստահորեն խոսում են, որ Ելենան արդեն գնել է հարսանեկան զգեստը Մոսկվայի էլիտար հարսանեկան սրահներից մեկում։ Փաստորեն, աստղային հարսանիքն արդեն սարերի ետևում չէ։