Պուտինի նախընտրական շտաբը 200 հազարանոց հանրահավաք է կազմակերպում

Ռուսաստանի նախագահի թեկնածու Վլադիմիր Պուտինի նախընտրական շտաբը փետրվարի 23-ին Մոսկվայում պատրաստվում է 200 հազարանոց «Հայրենասիրական հանրահավաք» անցկացնել։

Հանրահավաքի գլխավոր կարգախոսը լինելու է «Պաշտպանե՛նք հայրենիքը»։ Այդ մասին Интерфакс-ին հայտնել է Պուտինի նախընտրական շտաբի ղեկավար, կինոռեժիսոր Ստանիսլավ Գովորուխինը։ 

Ըստ նրա՝ հանրահավաքին բացի Մոսկվայի բնակիչներից մասնակցելու են նաև մարզերից ժամանած մարդիկ։ Պուտինին աջակցելու հանրահավաք էր կազմակերպվել նաև փետրվարի 4–ին՝ Պոկլոննի բլի վրա, որին, ըստ ոստիկանների, մասնակցել է 138 հազար մարդ։