Ընդդիմադիր գործիչը կոչ է արել ընդդիմությանը մասնակցել «Ի պաշտպանություն Պուտինի» հանրահավաքին
Ռուսաստան
«Հանուն արդար ընտրությունների» շարժման համակարգող Սերգեյ Ուդալցովը ակցիայի ընդդիմությանը կոչ է արել մասնակցել նախագահի թեկնածու Վլադիմիր Պուտինի նախընտրական շտաբի կողմից փետրվարի 23–ին անցկացվելիք հանրահավաքին։ Ընդդիմադիր գործիչը հայտարարել է այդպիսով ցուցարարները կարող են իրենց դիրքորոշումն արտահայտել։
«Քաղաքացիական շարժումներին և ընդդիմության ներկայացուցիչներին ես այդ հանրահավաքին մասնակցելու կոչ եմ արել, որպեսզի հանրահավաքի ժամանակ մարդիկ պարզապես ծանոթանան, խոսեն միմյանց հետ և արտահայտեն իրենց քաղաքացիական դիրքորոշումը», – «Интерфакс»–ին հայտնել է Ուդալցովը։
Հարցին, թե արդյո՞ք այդ հանդիպման ժամանակ բախումներ տեղի չեն ունենա հանրահավաքի մասնակիցների միջև Ուդալցովը պատասխանել է. «Եթե մարդիկ համերաշխ են, ինչպես կարող են բախումներ լինել»։
«Մեր գործողությունների ձեւաչափը մենք կքննարկենք կազմկոմիտեի հաջորդ հանդիպմանը, որտեղ էլ վերջնական որոշում կկայացնենք», – ասել է ընդդիմադիր գործիչը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
