«Anonymous»–ը կոտրել է «Միասնական Ռուսաստան»–ի կայքը

«Anonymous» հակերական խումբը կոտրել է «Միասնական Ռուսաստան» (Единая Россия) կուսակցության Մոսկվայի շրջանային գրասենյակի կայքը։ Այս պահին վեբ կայքն անհասանելի է։ 

Այս մասին հինգշաբթի օրը հաղորդագրություն է տարածվել «Op–Russia» միկրոբլոգում, որտեղ անցյալ շաբաթ հաղորդագրություն էր տարածվել, որ հակերները կոտրել են «Ռոսմոլոդյոժ»–ի (Росмолодеж) ղեկավար Վասիլի Յակիմենկոյի և գրասենյակի մամլո քարտուղար Կրիստինա Պատուպչիկի էլեկտրոնային փոստերը։ 

Հակերները «Twitter»–ի իրենց միկրոբլոգում գրել են. «Կարծում ենք, որ այդ կայքն այլևս հնարավոր չի լինի կանոնավոր գործարկելու համար», – նշվում է նրանց հաղորդագրություններից մեկում։

Ավելի վաղ «Anonymous»–ը կոտրել էր «Միասնական Ռուսաստանի» Կալուգայի գրասենյակի կայքը, որը միչև հիմա չի աշխատում, հաղորդում է «BBC Russian»–ը։