Ռուսաստանում առաջարկել են դպրոցներից դուրս թողել անօրինական ներգաղթյալների երեխաներին
Համաշխարհային Մամուլ
Ռուսաստանում իշխող «Եդինայա Ռոսիա» կուսակցությունը առաջարկել է դուրս թողնել դպրոցներից և մանկապարտեզներից անօրինական ներգաղթյալների երեխաներին. գրում է «Известия» պարբերականը:
Պետդումայի պատգամավոր, «Եդինայա Ռոսսիյա կուսակցության անդամ Ալեքսեյ Ժուրավլովը օրինագիծ է մշակել, որը զրկում է այն օտարերկրացիների երեխաներին անվճար կրթություն ստանալու իրավունքից, ովքեր ՌԴ քաղաքացիների հետ հավասարապես հարկեր չեն վճարում:
Ինչպես նշում է պարբերականը, Ժուրավլովն առաջարկում է կրթական հաստատություններում տեղերն ազատել ռուս երեխաների համար և այդպիսով մասնակիորեն լուծել մանկապարտեզների ծանրաբեռնվածության խնդիրը:
«Եթե նրանք խլում են աշխատատեղերը ռուսներից, ուրեմն թող գոնե ավելորդ ծանրաբեռնվածություն չստեղծեն սոցիալական ինստիտուտների վրա: Թե չէ լցվում են սև գործ անողները, որոնք աշխատում են առանց հաշվառման, իսկ նրանց կանայք ծննդաբերոմ են մեր ծննդատներում, երեխաները գնում են մանկապարտեզներ և դպրոցներ: Ստացվում է, որ նա սոցիալապես շատ ավելի ապահով է, քան երկրի բազմաթիվ այլ քաղաքացիներ»,-ասել է Ժուրավլովը` մեկնաբանելով անօրինական ներգաղթյալների հետ կապված իրավիճակը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
