Google-ը կատարում է 13 տարվա ընթացքում ամենախոշոր փոփոխությունները

Google Inc.-ը, որին պատկանում է աշխարհում ամենախոշոր որոնողական համակարգը, հինգշաբթի օրը հայտարարել է որոնման համակարգում երբևէ կատարված ամենախոշորամասշտաբ փոփոխություների մասին, որը հնարավորություն կտա մշակել որոնման ավելի բարդ դեպքերը. գրում է The New York Times-ը: 

Պարբերականի տվյալներով` որոնման ձևաչափի փոփոխությունը կլինի 2000-ից ի վեր ամենանշանակալին և կանդրադառնա որոնման դեպքերի 90%-ին: Եթե ի սկզբանե Google-ը որոնում էր առանցքային բառերի համընկնումներով, ապա այժմ նրա նպատակը կլինի իմաստը հասկանալն ու փոխկապակցված բառեր գտնելը:

Նոր, Hummingbird (Կոլիբրի) ալգորիթմին անցնելու մասին հայտարարությունը արվել է կազմակերպության 15-րդ տարեդարձի կապակցությամբ: Բուն միջոցառումը տեղի է ունեցել նույն այն ավտոտնակում, որը վարձել էին Google-ի հիմնադիրները, երբ դեռևս նոր ոտք էին դնում փառքի իրենց ուղու վրա: