Հայաստանի առավելությունը Վրաստանի և Ադրբեջանի նկատմամբ
Իրավունք
Հատուկ քննչական ծառայության պետի տեղակալ, արդարադատության 1-ին դասի խորհրդական Արմեն Նադիրյանը մասնակցել է Ստրասբուրգում տեղի ունեցած' իրավիճակի գնահատման տարածաշրջանային կոնֆերանսին:
Եվրոպայի խորհրդի և Եվրոպական միության համատեղ կազմակերպած «Իրավապահ մարմինների պաշտոնատար անձանց կողմից մարդու իրավունքների լուրջ խախտումների հետաքննություն» թեմայով կոնֆերանսին մասնակցել են հինգ երկիր' Հայաստանը, Վրաստանը, Ադրբեջանը, Մոլդովան և Ուկրաինան:
Կոնֆերանսի նպատակը վատ վերաբերմունքի կանխման և համապատասխան հաղորդումների արդյունավետ հետաքննության հետ կապված եվրոպական և միջազգային ստանդարտների հիշեցումն էր, ինչպես նաև' վերջին երկու տարիների ընթացքում վատ վերաբերմունքի և անպատժելիության դեմ պայքարի առումով նշված ծրագրերի շրջանակներում գործընկեր երկրների կողմից ձեռքբերված առաջընթացի արձանագրումը:
Ըստ Արմեն Նադիրյանի` կոնֆերանսի մասնակից տարածաշրջանի երկրների ներկայացուցիչներն իրենց զեկույցներում ներկայացրել են վատ վերաբերմունքի կանխման և դրա դեմ պայքարի գործում իրենց երկրների փորձը, այդ բնույթի գործերի քննության ազգային մեխանիզմները:
- Ասեմ, որ միջազգային կառույցների կողմից դրական է գնահատվել այն հանգամանքը, որ ի տարբերություն տարածաշրջանի մյուս երկրների' Վրաստանի և Ադրբեջանի, Հայաստանի Հանրապետությունում պետական մարմինների պաշտոնատար անձանց կողմից վատ վերաբերմունքի կապակցությամբ գործերի քննությունն իրականացվում է որևէ գերատեսչական ենթակայության տակ չգործող անկախ մարմինը' Հատուկ քննչական ծառայությունը,- ասաց Հատուկ քննչական ծառայության պետի տեղակալ Արմեն Նադիրյանը:
ՈՒՂԻՂ ԵԹԵՐ
Ամենադիտված 
Գլենդեյլաբնակ բժիշկ Վիոլետա Մայիլյանը դատապարտվել է 15 տարվա ազատազրկման՝ բոտոքսի հետ կապված 45 մլն դոլարի խոշորագույն խարդախության համար
