Amnesty International-ը զեկույց է հրապարակել Թուրքիայում մարդու իրավունքների ոտնահարումների մասին

Amnesty International իրավապաշտպան կազմակերպությունն իր զեկույցոմ անդրադարձել է Թուրքիայում Գեզի զբոսայգու ցուցարարների նկատմամբ ցույցերի ցրման ժամանակ գործադրված բռնություններին, որոնք 3 մարդու կյանք խլեցին և հազարավոր մարդկանց վիրավորեցին: 

Զեկույցը նշում է, որ ցուցարարների` ազատ և խաղաղ ցույցի դուրս գալու իրավունքը թուրքական իշխանությունների կողմից դաժանորեն ճնշման է ենթարկվել: 

Amnesty International-ը հարցազրույց է վերցրել ցույցի ակտիվիստներից, ոչ պետական կազմակերպությունների ներկայացուցիչներից, բժիշկներից, փորձագետներից, իրավաբաններից և լրագրողներից: 

Իր հրապարակած զեկույցում կազմակերպությունը եկել է հետևյալ եզրակացությանը.

Ցուցարարները, նաև խաղաղ բնակիչները, իշխանությունների կողմից դաժան ճնշումների են ենթարկվել, որի արդյունքում զոհվել է երեք մարդ, և հազարավորները վիրավորվել են:

Ոստիկանությունը դիտավորյալ ռետինե փամփուշտներով կրակել է ցուցարարների գլխին` լուրջ վնասվածքներ հասցնելով նրանց:

Ցուցարարների նկատմամբ կկրառված արցունքաբեր գազի և ջրցան մեքենաներից արձակված ջրի մեջ եղել են քիմիական նյարդագրգռիչ նյութեր: Ցուցարարների շարքում 2-րդ զոհը եղել է արցունքաբեր գազի կիրառման հետևանքով: 

Իգական սեռի ցուցարարները իրավապահ մարմինների կողմից սեռական բռնության են ենթարկվել։ 

Կազմակերպության զեկույցը նշում է, որ թուրք իշխանությունների կողմից ձերբակալվել է ավելի քան 4900 ցուցարար: Վիրավորների քանակը հասնում է 8000-ի, որոնցից 61-ը ծանր վիրավոր են: 

Թուրք վարչապետ Ռեջեփ Թայիփ Էրդողանը ոչ մի կերպ չի արձագանքել այս զեկույցին: Երկուշաբթի օրը նա ելույթ է ունեցել իր երկրում ժողովրդավարության նոր փաթեթի գործարկման մասին, որը, նրա խոսքերով, կարող է օրինակ ծառայել Եվրամիության համար. մեջբերում է Der Spiegel գերմանական պարբերականը: