Հունգարիայում ուսանողները մերկ են եկել դասի` ի նշան դրես-կոդի դեմ բողոքի (տեսանյութ)

Հունգարիայում Կապոշվար քաղաքի համալսարանի ուսանողները սեմինարին ներկայացել են ամբողջովին մերկ` ի նշան դրես-կոդի դեմ բողոքի, որը հոկտեմբերի 1-ից ընդունել էր ԲՈՒՀ-ի ղեկավարությունը. գրում է Budapest Business Journal-ը: 

Ուսանողներն ու մեկ դասախոս հոկտեմբերի 3-ին մասնակցել էին բողոքի ակցիային: Ուսանողները, մտնելով լսարան, մերկացել էին` ծածկվելով դասագրքերով: 

Բողոքի համար առիթ էր հանդիսացել համալսարանի ղեկավարության նոր ցուցումը, որն արգելում է ուսանողներին համալսարան մտնել կարճ կիսատաբատներով, կիսաշրջազգեստներով, ուսերը բաց կամ կրծքի խոր բացվածք ունեցող զգեստով: Արգելվել է նաև վառ շպարը, խոշոր զարդերն ու հագեցած բույրով օծանելիքի օգտագործումը: Տղամարդիկ, ըստ նոր կանոնների, պետք է համալսարան ներկայանան միայն մուգ կոստյումով: 

Տեսանյութը դիտեք այստեղ: