Մադոննան խոստովանել է, որ իրեն բռնաբարել են

Փոփ երգչուհի Մադոննան խոստովանել է, որ իր կարիերայի արշալույսին ինքը սեռական բռնության զոհ է դարձել. գրում է New York Daily News-ը: Այս և իր կյանքի այդ ծանր փորձությունների մասին Մադոննան պատմել է փոքրիկ էսսեում, որը հրապարակել է Harper's Bazaar ամսագիրը: 

«Նյու Յորքը բոլորովին այնպիսին չէր, ինչպես ես ինձ այն պատկերացնում էի: Նա ինձ գրկաբաց չընդունեց: Այնտեղ տեղափոխվելուս հենց առաջին տարին ես ատրճանակի թիրախի տակ հայտնվեցի. ինձ բռնաբարեցին շենքի տանիքին, ուր ինձ քարշ էին տվել դանակի սպառնալիքով: Բացի այդ, իմ բնակարան 3 անգամ գող է ներխուժել, և ես իրականում չեմ հասկանում, թե ինչու, չէ՞ որ առաջին անգամ իմ բնակարանը թալանելուց հետո, երբ նրանք տարան ռադիոընդունիչը, այնտեղ արժեքավոր ոչինչ չէր մնացել»,-գրում է ՄԱդոննան: 

Իր բռնաբարության մասին Մադոննան առաջին անգամ հիշատակել էր 1995-ին, սակայն այն ժամանակ նա չէր համարձակվել բացահայտել այդ դեպքի մանրամասները: