Դատախազի օգնականը կասկածվում է պատանիների մասին պոռնոպատմվածքներ գրելու մեջ
Իրավունք
Ռուսաստանի Սմոլենսկի մարզում քննվում է համացանցում պատանիների մասին պոռնոպատմվածքներ տարածելու փաստով քրեական գործը, որով որպես վկա ներգրավված է դատախազի նախկին օգնական մի կին: Այս մասին տեղեկացնում է«Интерфакс»-ը:
Ինչպես հայտնել է Ներքին գործերի մարզային վարչության պետի տեղակալ, քննչական վարչության պետ Ռաիսա Շուվալովան, ներկայումս պարզվում է պոռնոպատմվածքեր գրելուն Սմոլենսկի Արդյունաբերական շրջանի դատախազության նախկին աշխատակցուհի Վիկտորիա Աբզալովայի առնչությունը:
Առայժմ փնտրում են Երոխին ազգանունով մի քաղաքացու, ով հայտնել է ոստիկանությանը դատախազության նախկին աշխատակցուհու՝ հեղինակ հանդիսանալու մասին տվյալները:
Քննության համար առիթ են հանդիսացել համացանցում «Տայել Ռիկկե» կեղծանունով տեղադրված մի քանի պատմվածքներ, որոնց հերոսները դեռահաս տղաներ են, ովքեր հասուն տղամարդկանց համար ծառայում են որպես սեքս-խաղալիքներ:
Փորձագիտական եզրակացության համաձայն՝ այդ պատմվածքները պոռնոգրաֆիկ բնույթի են: Տեքստերը տեղադրված են Ավստրալիայի և Ճապոնիայի տարածքներում գտնվող սերվերներում, ինչն անհնարին է դարձնում համացանցից դրանց հեռացումը կամ տարածմանը խոչընդոտելը:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
