Նատաշա Կոռոլյովան ընդմիշտ հեռանում է

Հայտնի ռուս երգչուհի Նատաշա Կոռոլյովան, ամանորյա տոներից առաջ հանդես գալով համերգային ծրագրով, ավարտական համերգի ժամանակ բեմից ընդմիշտ հրաժեշտ է տվել երկրպագուներին:

Իր այս որոշմամբ Նատաշան համալրել է բոլորովին վերջերս «Մեծ բեմը» թողնելու մասին հայտարարած ռուսական երգարվեստի գերաստղերի շարքերը, որոնց թվում են՝ Ալլա Պուգաչովան, Իոսիֆ Կաբզոնը, Իրինա Ալեգրովան:

Այժմ Նատաշայի համար առաջին տեղում իր սիրելի դստեր դաստիարակությունն է և նա վստահ է, որ այլևս չի կարոտելու հոգնեցուցիչ համերգային ծրագրերը: Ինչպես որ երգչուհին խոստովանել է ռուսական որոշ լրատվամիջոցների հետ զրույցում, եկել է ժամանակը՝ մտածելու երաժշտականից բացի նաև այլ նախագծերի իրականացման մասին:

Կոռոլյովայի անձնական բժիշկը խորհուրդ էր տվել նրան հանգստանալ՝ զգուշացնելով, որ երգչուհու իմունային համակարգը կարող է չդիմանալ նմանօրինակ ամենօրյա ծանրաբեռնվածությանը: