Ժիրինովսկու էշը Կանդելակիին հանգիստ չի տալիս

Վլադիմիր Ժիրինովսկին կարծես թե նորամուծություն է մտցրել նախընտրական տեսահոլովակներում՝ դրանցում կենդանիների նկարահանման ձևով: Ապացուցված է, որ հոլովակներում ամենալավ կադրերը ստացվում են երեխաների և կենդանիների հետ: Իհարկե, Ժիրինովսկու պարագայում, տեսահոլովակում նկարահանված ավանակն այնքան էլ դուր չի եկել ժողովրդին:

Թինա Կանդելակին իր հերթին առաջարկել է նախընտրական տեսահոլովակների նկարահանման ժամանակ օգտագործել կատուների, մասնավորապես իր էկզոտիկ ցեղատեսակի կատվին՝ Բրազիլիա անունով: Նա նույնիսկ իր կատվի նկարը տեղադրել է Թվիթերի իր էջում: Հնարավոր է, որ եթե երբևէ Թինան առաջադրվի նախագահական ընտրություններում, նրա կատուն հայտնվի հեռուստաէկրանին: