Տղամարդը ծանր վիրավորվել է սեփական զուգարանակոնքի պայթյունից

Նյու Յորք քաղաքի բնակիչ 58-ամյա Միշել Պյերը բազմաթիվ վնասվածքներով հիվանդանոց է տեղափոխվել այն բանից հետո, երբ ջուրը քաշելու պահին զուգարանում պայթել էր նրա կոնքամանը. գրում է Daily News-ը: 

Միջադեպը տեղի էր ունեցել հոկտեմբերի 2-ին: Այդ օրը շենքում պրոֆիլակտիկ նկատառումներով դադարեցրել էին ջրմատակարարումը: Այն բանից հետո, երբ ջրի մատակարարումը վերականգնվել էր, տղամարդը փորձել էր ստուգել, թե աշխատում է արդյոք ջուրը իր զուգարանում: Ջուրը քաշելու պահին պայթյուն է որոտացել, և տղամարդը կորցրել է գիտակությունը: Նրան հիվանդանոց են տեղափոխել պայթած կոնքամանի բեկորներից ոտքերին, ձեռքերին և դեմքին ստացած բազմաթիվ վնասվածքներով: Տղամարդը դատական հայց է պատրաստել տան ջրամատակարարմամբվ զբաղվող ընկերության դեմ և պահաջնում է ֆիզիկական և բարոյական վնասի փոխհատուցում:

Իր խոսքերով` ինքը այժմ վախենում է զուգարանի ջուրը քաշել, և կարողանում է դա անել միայն դռան հետևից հատուկ թելի միջոցով, որը նա կապել է զուգարանակոնքի ջրի բաքին: 

Ընկերությունից պարզաբանել են, որ պայթյունի պատճառը ջրի անջատման հետևանքով գոյացած օդային հոծ զանգվածն է եղել, որը կուտակվել է խողովակներում և բարձրացել վեր: