Ֆրանսիայում հայ աշակերտի դեպորտի դեմ բողոքի ցույցեր են ընթանում
Համաշխարհային Մամուլ
Ֆրանսիայում դպրոցականները պատրաստվում են հացադուլ կազմակերպել` ի նշան իրենց երկրում սովորող 15-ամյա գնչու աշակերտուհի Լեոնարդա Դիբրանիի և հայազգի Խաչիկ Խաչատրյանի դեպորտացիայի դեմ բողոքի. գրում է La Provence-ը: Գնչուհուն իրավապահ մարմիննեը տարել էին հենց դպրոցական էքսկուրսիայի ժամանակ: Ավագ դպրոցի աշակերտները խոստացել են հացադուլի դիմել, եթե հենց այսօր խնդիրը չկարգավորվի: Նրանք ՆԳՆ-ից պահանջում են ներողություն խնդրել և թույլատրել դեպորտի ենթարկված անձանց հայրենիք վերադառնալ:
Փարիզում աշակերտները փողոց են դուրս եկել և բողոքի երթ են կազմակերպել Դիբրանիի և Խաչատրյանի դեպորտի դեմ: Ոստիկանության տվյալներով` երթին 2.5 հազար մարդ է մասնակցել, իսկ ակցիայի կազմակերպիչների խոսքերով` իրենց թիվը հասել է 7 հազարի:
Աշակերտների բողոքին միացել են Ֆրանսիայի այլ քաղաքների դպրոցականները, ովքեր կոչ են անում կառավարությանը վերադարձնել Խաչատրյանին և Դիբրանիին, քանի որ նրանք «այնպիսի աշակերտներ են, ինչպես որ մենք». մեջբերում է պարբերականը:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
