Նորվեգիայում մարմնի կտրտված մասեր պատկերող խաղալիքները հանվել են վաճառքից

Նորվեգիայում Europris խանութների ցանցը ստիպված է եղել հետ կանչել կտրված մարդկային մարմնի մասեր հիշեցնող խաղալիքները, որոնք նախատեսված են եղել Հելոուինի տոնի համար: Կատակը մեծ վրդովմունք է առաջ բերել հանրության շրջանում. գրում է The Local-ը: 

Մարդկային արյունոտ մարմնի մասեր պատկերող խաղալիքները մսի պլաստիկ տոպրակներում վաճառքի էին հանվել նորվեգական Europris խանութների ցանցում, որից հետո սկսել էին բուռն կերպով քննարկվել հեռուստաեթերում և սոցիալական կայքերում: Խանութների ցանցի ներկայացուցիչները ստիպված են եղել ներողություն խնդրել «սարսափելի» կատակի համար: