Հայաստանը բարելավել է իր դիրքերը. Doing Business

Doing Business-ը կազմել է գործարարությամբ զբաղվելու մատչելի և հեշտ հնարավորություններ ընձեռող լավագույն երկրների վարկանշային ամենամյա աղյուսյակը:

Համաձայն Doing Business 2014-ի` 189 երկներից կազմված այց ցուցակում Հայաստանը 37-րդն է: Այսպիսով` նախորդ տարվա համեմատ մենք բարելավել ենք մեր դիրքերը 3 հորիզոնականով:

Բիզնեսով զբաղվելու լավագույն երկիր է ճանաչվել Սինգապուրը, որը, արդեն 9 տարի է, չի զիջում իր առաջատարի դիրքերը: Նրան հաջորդում են Հոնգկոնգը, Նոր Զելանդիան, ԱՄՆ-ն և Դանիան: Մեր հարևաններից Վրաստանը հայտնվել է լավագույն տասնյակում` զբաղեցնելով 8-րդ հորիզոնականը: Տասնյակը եզրափակում են Նորվեգիան` 9-րդ, և Մեծ Բրիտանիան`10-րդ հորիզոնականներով:

Մեր մյուս հարևաններից Թուրքիան հայտնվել է 69-րդ, Ադրբեջանը` 70-րդ և Իրանը` 152-րդ հորիզոնականներում:

Ռուսաստանը նույնպես բարելավել է իր դիրքերը` 111-րդ հորիզոնականից հայտնվելով 92-րդում:

Doing Business 2014 վարկանշային աղյուսակը եզրափակում են Լիբիան, Կենտրոնաֆրիկյան Հանրապետությունը և Չադը։

Ամբողջական աղյուսյակը կարող եք դիտել այստեղ: