ԱՄՆ բանակի գովազդում նկարահանված այս զինվորական կինը «չափազանց գեղեցիկ» է. առաջարկում են ներգրավել միայն «տգեղներին» (ֆոտո)

ԱՄՆ-ի բանակի սպաներից գնդապետ Լինեթ Արնհարթը ղեկավարում է վերլուծաբանների մի խումբ, որի խնդիրն է պարզել՝ ինչպես ԱՄՆ զորքերի շարքեր ներգրավվել ավելի մեծ թվով կանանց։ Այս մասին գրել է Dailymail–ը։

Այդ հետազոտությունների շրջանակներում բանակին առնչվող հոդվածներից մեկին նրանք կցել են գրավիչ արտաքին ունեցող Քրիստին Տեխադայի լուսանկարները՝ որպես վառ օրինակ այն բանի, թե ինչպես են գեղեցիկ արտաքինով աղջիկները համալրում ամերիկյան զորքերի շարքերը։

Սակայն որոշ բացասական արձագանքների հետևանքով Արնհարթը եզրակացրել է, որ նմանատիպ գովազդային արշավների ժամանակ ավելի նպատակահարմար կլինի օգտագործել «միջին տեսք ունեցող» և նույնիսկ «տգեղ» կանանց լուսանկարները։