Ուկրաինայից հետո Պուտինը կանցնի Վրաստանին. Carnegie Europe

Ինչպես գրում է Carnegie Europe պարբերականը, եվրոպացի դիվանագետներն այլևս պատրանքներ չեն տածում Ռուսաստանի հետագա քայլերի նկատմամբ: Պուտինը չի պատրաստվում կանգ առնել Ուկրաինայի վրա, նա իր հայացքն ուղղելու է դեպի Վրաստան և Մոլդովա. վստահ է պարբերականը:

Ուկրաինայի օրինակից հետո Վրաստանն ու Մոլդովան հասկանում են, որ Ռուսաստանը դատարկ սպառնալիքներ չի հնչեցնում և կարող է ստիպել նրանց խաղաղ իր կանոններով: Իսկ առանց Ուկրաինայի` Վրաստանն ու Մոլդովան չեն կարող հետ մղել Կրեմլի հարվածները:

Պարբերականը, հատկապես, անօգնական է համարում այդ հարցում Մոլդովային` նշելով, որ ռուսամետ ազգայնական տարրն անում է ամեն բան` խափանելու համար Մոլդովայի կառավարության` Եվրոպա ուղղվելու ջանքերը: Իսկ հիմա, երբ Կիևն անցել է Ռուսաստանի կողմը, Մոլդովան կորցրել է այդ հարցում Ուկրաինայի օգնությունը:

Իսկ Ուկրաինան այդ հարցում կորցրել է տարածաշրջանում ռազմավարական առաջնորդ դառնալու իր հնարավորությունները: 

Վրաստանի համար նույնպես հեշտ չի լինելու: Երկրի նոր ղեկավարությունը չի ցանկանում հրաժարվել Եվրոպայի հետ մերձեցումից, սակայն, միաժամանակ, մտադիր է լավացնել հարաբերությունները Ռուսաստանի հետ:

Իսկ դրա հետևանքները ԵՄ համար շատ լուրջ կարող են լինել: Եթե Մոլդովան և Վրաստանը ստորագրեն ասոցացման համաձայնագիրը, ապա Եվրամիությունը ստիպված է լինելու պատրաստ լինել պատասխանել Ռուսաստանի կողմից հնչեցրած հարվածներին: