Էշթոն Քաթչերն ու Դեմի Մուրը պաշտոնապես ամուսնալուծվել են

Ինչպես գրում է People ամսագիրը, Էշթոն Քաթչերն ու Դեմի Մուրը պաշտոնապես այլևս այր ու կին չեն հանդիսանում: 

Ամուսնալուծության մասին արված հայտարարությունից 2 տարի անց բաժանությունը պաշտոնապես կայացել է: Քաթչերն ու Մուրն այլևս միասին չէին 2011-ից` միասին 6 տարի ապրելուց հետո: Բաժանության ողջ ընթացքում զույգը ոչ մի կերպ չէր կարողանում համաձայնության գալ համատեղ ունեցվածքի բաժանման հարցում, որը գնահատվում էր 300 մլն դոլար:

Այսուհանդերձ, ամուսնալուծությունը կայացել է, և կողմերին վերադարձվել է ազատ կնոջ և ամուրի տղամարդու կարգավիճակ. ասված է ամսագրում: