Բանտից ազատվել է «ЮКОС»–ի թոփ մենեջերը

Բանտից ազատվել է «ЮКОС» նավթային ընկերության նախկին թոփ մենեջեր Վլադիմիր Պերեվերզինը։ 2007–ին նա դատապարտվել էր 11 տարվա ազատազրկման տնտեսական հանցագործության մեղադրանքով։ 2010–ին Մոսկվայի Վլադիմիրի շրջանային դատարանը Պերեվերզինի պատիժը կրելու ժամկետը 2.5 տարով մեղմացրել է հասցնելով մինչև 8.5 տարվա։

2011–ին ՌԴ քրեական օրենսգրքում կատարված փոփոխությունների արդյունքում տնտեսական հանցագործությունների պատժաչափը 2 տարով կրճատվել է, սակայն դատարանը նախկին թոփ մենեջերի պատժաչափը երկու ամսով էր կրճատել։ Պերեվերզինի պաշտպանյալները հետագայում բողոքարկել էին դատարանի որոշումը, հաղորդում է «Ռիա նովոստի»–ն։ 

Հիշեցնենք, որ «ЮКОС»–ի նախկին նախագահ Միխայիլ Խոդորկովսկին և փոխնախագահ Պլատոն Լեբեդևը դատապարտվել էին ավելի վաղ ընկերության ֆինանսական միջոցները յուրացնելու և մի շարք տնտեսական հանցագործություններ կատարելու համար։ 2011–ի վերջին Ռուսաստանի նախագահին առընթեր մարդու իրավուքների հարցերով աշխատանքային խումբը Դմիտրի Մեդվեդևին համաներման ենթակա ձերբակալվածների ցուցակ է ներկայացրել, որում նշված է եղել նաև Միխայիլ Խոդորկովսկու անունը։ Սակայն, այսօր Խոդորկովսկին հայտնել է, որ ինքը մտադիր չէ վաղաժամկետ ազատման համար խնդրագիր ներկայացնել։