ԱՄՆ-ն Ուկրաինայի հարցով կտրուկ հայտարարություններ չի անում` վախենալով Կրեմլից

Մինչ Ուկրաինան հրաժարվեց Եվրամիության հետ առավել սերտ համագործակցությունից, ԱՄՆ-ի նախագահ Բարաք Օբամայի վարչակազմը դիտորդի կարգավիճակ է ընդունել` զգուշանալով Կրեմլի հետ հարաբերություններում բեկում մտցնելուց. գրում է The Washington Post-ը: 

Ուկրաինայի մայրաքաղաքում զանգվածային բողոքի ցույցերը Վաշինգտոնի կողմից խուսափողական մեկնաբանությունների են արժանանում, նշում է պարբերականը` հավելելով, որ Ռուսաստանը վերջին ժամանակներս ԱՄՆ-ի գործընկերն է դարձել Սիրիայի քիմիական զենքի ոչնչացման և Իրանի միջուկային ծրագրի շուրջ կնքած դիվանագիտական գործարքում: 

Պարբերականի տվյալներով` ԱՄՆ-ի պետքարտուղար Ջոն Քերրին ՆԱՏՕ-ի կենտրոնական գրասենյակում մամլո խորհրդատվությունը բացել է Ուկրաինայի կառավարությանն ու ընդդիմությանն ուղղված` միասնական համագործակցելու կոչով, որպեսզի երկիրը վերադարձնեն եվրաինտեգրման և տնտեսական բարեկարգման ճանապարհին: 

Այն հարցին, թե ինչու Քերրիի արձագանքը առավել համառ չի եղել, նա նշել է, որ Ուկրաինան ի վիճակի է ինքնուրույն կայացնել իր ընտրությունը, որը միաժամանակ պետք է արտահայտի նաև ազգի կամքը: Նրա կարծիքով` Յանուկովիչը անձնական որոշում է կայացրել, որը չի ստացել ժողովրդի աջակցությունը: