Սիրիական ընդդիմության հրամանատարը փախել է երկրից իսլամիստների հարձակման պատճառով

Սիրիական ընդդիմության` Սիրիայի ազատ բանակի հրամանատարներից մեկը` Սալիմ Իդրիսին, ստիպված է եղել լքել երկիրն այն բանից հետո, երբ «Իսլամական ճակատ» ահաբեկչական խմբավորման գրոհայինները գրավել են նրա հրամանատարական կետը և Սիրիայի ազատ բանակի պահեստները, որոնք գտնվում էին Իդրիսիի հրամանատարության տակ: Ի սկզբանե նա փախել է Թուրքիա, իսկ այնուհետև` Քաթար:

Ինչպես այս մասին գրում է The Wall Street Journal-ը` հղում կատարելով  իր աղբյուրներին, այս իրադարձություններն ակնհայտորեն վկայում են այն մասին, որ ընդդիմադիր Սիրիայի ազատ բանակը զիջում է իր դիրքերն իսլամիստների ճնշմանը: 

«Սա էականորեն կխանգարի Օբամայի աշխատակազմին` կազմակերպելու Ժնև-2 խաղաղ խորհրդակցությունը, որը պլանավորված էր եկող ամսի, և որին պետք է մասնակցեին Սիրիայի վարչակազմի և գրոհայինների ներկայացուցիչները»,-գրում է թերթի աղբյուրը: 

Նշենք, որ «Իսլամական ճակատ» խմբավորումը Սիրիայում վերջերս է հայտնվել: Այդ դիտարկվում է իբրև առավել չափավոր իսլամիստական խմբավորում: Ճակատի ներկայացուցիչները հաստատել են Իդրիսի փախուստի լուրերը: