Ռուսաստանի ամենանախանձելի հարսնացուները

Օրերս Մոսկվայում կայացել է ռուս մոդելյեր Օլգա Ռուսանի՝ «Ռուսաստանի ամենանախանձելի հարսնացուները» անունը կրող նորաձևության ցուցադրությունը, որին ներկա են եղել մեծ թվով շոու-բիզնեսի աստղեր։

Հաշվի առնելով, որ ցանկացած աղջիկ երազում է կրել հարսանեկան զգեստ և իրեն հեքիաթային արքայադուստր պատկերացնել, այդ ցուցադրությունը դիտելու էին եկել մեծ թվով հայտնի մարդիկ. ոմանք դիտելու, ոմանք էլ՝ մասնակցելու։

Առաջինը բեմ դուրս եկավ հաղորդավարուհի Դանա Բորիսովան, որը պաշտոնապես երբեք էլ ամուսնացած չի եղել։ Նա մեկ դուստր ունի իր նախկին զուգընկերոջից, որից բաժանվելուց հետո մեծ դժվարություններ է ստիպված եղել հաղթահարել։ Սակայն այս դեպքում, Դանան շատ գեղեցիկ էր ու հմայիչ, իսկ զգեստը նրան շատ էր «սազում»։

Քաղաքական գործիչ և բանաստեղծ Էդուարդ Լիմոնովի նախկին կինը՝ Եկատերինա Վոլկովան, նույնպես հագել էր հարսանեկան զգեստ։ Նա, կարելի է ասել, ռուսական շոու–բիզնեսի «ամենափորձառու» հարսնացուներից մեկն է. Եկատերինան պատրաստվում է ամուսնանալ արդեն չորրորդ անգամ։

«Блестящие» խմբի մեներգչուհի Նաստյա Օսիպովան հայտնի ռուս թենիսիստ Մարատ Սաֆինից բաժանվելուց հետո այժմ նոր ընկեր ունի և հարսանեկան զգեստը կարող է շատ շուտով պետք գալ նրան։ Բեմ դուրս եկան նաև «Фабрика» խմբի երգչուհի Կատյա Լին և «ВИА Гра» եռյակի նախկին անդամ Տատյանա Կոտովան, հայտնում է Uznayvse.ru կայքը։