Մեդվեդևը կհանդիպի չգրանցված կուսակցությունների ներկայացուցիչների հետ

Ռուսաստանի նախագահ Դմիտրի Մեդվեդևն այսօր հանդիպելու է չգրանցված կուսակցությունների ղեկավարների հետ։ Սպասվում է, որ նախագահը հանդիպելու է Ազգային ազատություն կուսակցության (ПАРНАС) ղեկավար Բորիս Նեմցովի և Վլադիմիր Ռիժկովի, «Ձախ ճակատ» ընդդիմադիր շարժման ղեկավար Սերգոյ Ուդալցովի, Ռուսաստանի «Կանաչներ» բնապահպանական շարժման ղեկավար Անատոլի Պանֆիլովի հետ։ 

Հանդիպմանը նաև հրավիրվել են չգրանցված կուսակցությունների հարցերով զբաղվող կառուցի ղեկավար Կոնստանտին Բաբկինը, «Народный союз» լուծարված կուսակցության ղեկավար Սերգեյ Բաբուրինը, «За нашу Родину» կուսակցության քաղխորհրդի ղեկավար Միխայիլ Լերմոնտովը և Ռուսաստանի կանանց ժողովրդական կուսկացության ղեկավար Գալինա Խավրաևան։ 

Հանդիպմանը նպատակն է քննարկել Ռուսաստանում քաղաքական բարեփոխումների գործընթացը, որը նախաձեռնել է նախագահ Դմիտրի Մեդվեդևը, հաղորդում է Росбалт–ը։

Հիշեցնենք, որ ավելի վաղ Ռուսաստանի նախագահ Դմիտրի Մեդվեդևը Պետդումայի քննարկմանն էր ներկայացրել կուսակցությունների գրանցման գործընթացը պարզեցնելու և նախագահական ընտրություններին նախագահի թեկնածու գրանցվելու համար անհրաժեշտ ստորագրությունների թիվը նվազեցնելու վերաբերյալ օրինագիծ։

{gallery}shamshyan/medvedev{/gallery}