Պուգաչովայի կարծիքով՝ ինքը Ռուսաստանի առաջին տիկինն է

Երգիչ և Ռուսաստանի նախագահի թեկնածու, գործարար Միխայիլ Պրոխորովի վստահված անձ Ալլա Պուգաչովայի կարծիքով, Պրոխորովը ժամանակի ընթացքում կունենա իր «առաջին տիկինը», թեև երկրի առաջին տիկին Պուգաչովան համարում է ինքն իրեն, հաղորդում է Интерфакс–ը։ 

«Այսպես թե այնպես, բոլորը նրան աջակցում են։ Թող նա ամուսնանա Ռուսաստանի հետ, թե չէ «առաջին տիկինը» հնարավոր է՝ անտեղի բաներ խոսի։ Տրամաբանորեն առաջին տիկին ես պետք է լինեմ, սակայն ես շատ վաղուց ազատ չեմ։ Բայց մենք կօգնենք Միշային», – ասել է Պուգաչովան լրագրողների հետ հանդիպման ժամանակ։

Երգչուհին նաև հայտնել է, որ ինքը Պրոխորովի հաղթանակի դեպքում որևէ նախարարական պաշտոն զբաղեցնելու հավակնություն չունի։

«Ես չեմ ցանկանում լինել մշակույթի նախարար։ Ես ընդհանրապես չեմ ցանկանում լինել նախարար։ Ես միայն ցանկանում եմ մնալ կին, որը երգում է», – նշել է Պուգաչովան։