The Washington Post-ն անդրադարձել է Հայոց ցեղասպանության պատմության ուսուցման անհրաժեշտությանը
Համաշխարհային Մամուլ
Ամերիկյան The Washington Post թերթի խմբագրակազմը նահանջել է Հայոց ցեղասպանության ճանաչման դեմ իր ընդդիմադիր հայացքներից և արդեն բացահայտ խոսում է Հայոց ցեղասպանության մասին: Այս եզրահանգմանն է եկել Հայ դատի ԱՄՆ հանձնախումբը:
«Այսօրվա խմբագրակազմը, թեև ակնհայտորեն ապակողմնորոշված լինելով ամերիկյան հասարակական դպրոցներում ցեղասպանության կանխարգելման ուսուցման գործում Հայ դատի ԱՄՆ հանձնախմբի հեռուն հասնող և կառուցողական դերակատարության հարցում, բացահայտորեն և աներկբայորեն ներկայացնում է 1915 թվականի Հայոց ցեղասպանության մասին ուսուցման կարևորությունը»,- նշված է Հայ դատի ԱՄՆ հանձնախմբի ֆեյսբուքյան գրառման մեջ:
Հրապարակման մեջ ամերիկյան թերթը կարծիք է հայտնում, որ ԱՄՆ օրենսդիրները չպետք է միջամտեն դպրոցական դասագրքերի և կրթական ծրագրերի կազմման գործընթացին:
Հիշեցնենք, որ ԱՄՆ Կալիֆորնիայի նահանգային վեհաժողովը հունվարի 29-ին միաձայն ընդունել է Հայոց ցեղասպանության մասին կրթական ծրագրերը պատմության դասագրքերում ներառելու հարցը:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
