Պուտինը թիվ մեկ քաղաքական գործիչն է ճանաչվել ԶԼՄ-ների համաշխարհային հարցման արդյունքում

ՌԴ նախագահ Վլադիմիր Պուտինը թիվ մեկ քաղաքական գործիչն է ճանաչվել նորությունների գլոբալ մեդիահանրակցության ներկայացուցիչների կարծիքով: Այս մասին հայտնում է itar-tass-ը:

Ռուսաստանի պետության ղեկավարը դարձել է այս կատեգորիայում վարկանիշի բացարձակ առաջատարը՝ 175 ձայնից ստանալով 133-ը, վարկանիշի առաջին հորիզոնականներում տեղ են զբաղեցրել նաև Հռոմի Ֆրանցիսկոս պապը և Գերմանիայի կանցլեր Անգելա Մերկելը: 53 թեկնածուների մեջ շատ ձայներ են ստացել նաև ԱՄՆ-ի նախագահ Բարաք Օբաման, ՉԺՀ-ի նախագահ Սի Ցզինպինը և անցյալ տարվա դեկտեմբերին մահացած՝ Հարավային Աֆրիկայի Հանրապետության առաջին սևամորթ նախագահ Նելսոն Մանդելան:

Հարցման հաղթողներին հուշանշաններ կհանձնվեն Միջազգային փորձագիտական խորհրդի և Itar-tass-ի անունից: