Կսենիա Սոբչակը Կանդելակիին մարմնավաճառ է անվանել

«Պետդեպ» հաղորդման փակումը և «Դոմ-2» հեռուստանախագծի սուր քննադատությունը խիստ զայրացրել են հայտնի ռուս հաղորդավարուհի Կսենիա Սոբչակին։ Չնայած նա նախկինում էլ էր «ազատ» արտահայտվում իր նախկին ընկերուհի Թինա Կանդելակիի մասին՝ նրան անվանելով «կանդեվռակի» և «բոլոտնայա Թինա», սակայն այժմ նա որոշել է ավելի հեռուն գնալ։

Հայտնի փաստ է, որ Սոբչակը շատ ժամանակ է անցկացնում սոցցանցերում՝ հատկապես Թվիթերում, որտեղ էլ գրել է հետևյալը. «Նա սիրում է իշխանությունը «խելացի դպրոցի» համար, թռիչքներ կամիկաձեների հետ և գրասենյակ Մոսկվայի կենտրոնում, իսկ դա արդեն սեր չէ, այլ պոռնկություն է»։

Սոցցանցի օգտատերերից մեկը, մեկնաբանելով այս արտահայտությունը, մեղադրել էր Սոբչակին «անտաշության մեջ»՝ նշելով, որ Սոբչակն ուղղակի նախանձում է Թինային, քանի որ վերջինիս կարիերան վերելք է ապրում, ի տարբերություն Կսենիայի, որի ներկայիս միակ աշխատանքը շատերի կողմից ատելի «Դոմ–2» հեռուստանախագիծը վարելն է։