Օլիմպիական խաղերի բացման ընթացքում քարտեզում ԼՂ-ի մշուշապատ լինելը Բաքվին հիստերիայի մեջ է գցել. Haqqin.az

Միջազգային և համաշխարհային ցանկացած մրցաշարում Լեռնային Ղարաբաղով կամ առանց դրա Ադրբեջանի քարտեզի պատկերումը մշտապես տարատեսակ խոսակցությունների առիթ է դառնում ադրբեջանական կողմում: Այս մասին հայտնում է Haqqin.az-ը:

Այս անգամ Ադրբեջանում հիստերիա են բարձրացրել այն փաստի կապակցությամբ, որ օլիմպիական խաղերի բացման արարողությանը ազգային հավաքականների դուրս գալու ժամանակ մոնիտորի վրա երևացած քարտեզին Լեռնային Ղարաբաղի հատվածը մշուշապատ է եղել:

Ադրբեջանական Haqqin.az-ը տարօրինակ է համարում այն հանգամանքը, որ ԼՂ-ն, ինչպես Հարավային Օսիան և Աբխազիան, տարօրինակ կերպով մշուշապատ է երևացել:

«Թվում է, թե Ռուսաստանն Ադրբեջանին էլ պատկերել է այնպիսին, ինչպիսին այն կա իրականում»,-գրում է ադրբեջանական պարբերականը:

Հոդվածի հեղինակների կարծիքով` քարտեզը նպատակ է ունեցել ցույց տալ, որ Լեռնային Ղարաբաղի' Ադրբեջանի կազմում լինելը իրականում մշուշոտ է: Օլիմպիական խաղերի բացումը տեղի է ունեցել փետրվարի 7-ին: