Հայոց ցեղասպանության 100-ամյակին նվիրված հատուկ համաժողով կանցկացվի Լոս Անջելեսում
Համաշխարհային Մամուլ
Հայոց ցեղասպանության 100-ամյա տարելիցին նվիրված հատուկ ծրագիր կներկայացվի Հոլոքոստն ուսումնասիրող գիտնականների 44-րդ ամենամյա համաժողովի ընթացքում: Այս մասին հայտնում է ԱՄՆ Կալիֆորնիա նահանգում լույս տեսնող «Մասիս փոստ» պարբերականը:
Միջոցառումը կկայանա մարտի 9-ին Լոս Անջելեսի հրեական համալսարանում: Հատուկ ծրագրի բանախոսներն են Կալիֆորնիայի համալսարանի պրոֆեսորներ Ռիչարդ Հովհաննիսայնաը, Սթեֆն Սմիթը և Ամերիկայի հրեական համալսարանի պրոֆեսոր Մայքլ Բերենբաումը:
20-րդ դարի առաջին ցեղասպանությունը համարվող Հայոց ցեղասպանությունը ճանաչել է աշխարհի 22 երկիր, Եվրոպական խորհրդարանը և Եկեղեցիների համաշխարհային խորհուրդը: Այն պաշտոնապես ճանաչել և դատապարտել, ապրիլի 24-ը հայ ժողովրդի Ցեղասպանության զոհերի հիշատակի օր են հայտարարել ԱՄՆ 50 նահանգներից 42-ը:
Եվրոպական որոշ երկրների խորհրդարանները Հայոց ցեղասպանության ժխտման համար քրեական պատասխանատվություն նախատեսող օրենքներ են ընդունել: Սակայն Թուրքիան նախկինի պես հերքում է Առաջին համաշխարհային պատերազմի ժամանակ Օսմանյան կայսրությունում հայ բնակչության զանգվածային սպանությունները:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
