Լերա Կուդրյավցեվան մասնակցում է բրազիլական կառնավալին

Հայտնի ռուս հաղորդավարուհի Լերա Կուդրյավցեվան մեկնել է Ռիո–դե–Ժանեյրո՝ մասնակցելու աշխարհահռչակ բրազիլական կառնավալային տոնախմբությանը։ Նա շարունակել է իր ճանապարհորդությունը՝ ընկերուհու հետ Իսպանիայից մեկնելով Բրազիլիա։

Կուդրյավցեվան մեծ ուրախությամբ որոշել է մասնակցել կառնավալային տոնախմբությանը, ինչ առիթով էլ ընկերուհու հետ տեղի խանութներից մեկում գնել է համապատասխան հանդերձանք և միացել պարող մարդկանց շարասյանը։ Արդյոք սա ինքնատիպ վրեժ է զուգընկեր Սերգեյ Լազարևից, թե ոչ՝ կպարզվի մոտ ապագայում։

Հիշեցնենք, որ Լերայի զուգընկերը՝ երգիչ Սերգեյ Լազարևը, մեկ այլ երգչի՝ Տիմատիի, նրա ընկերախմբի և մի քանի գեղեցկուհիների հետ հանգստանում է ծովափնյա հանգստավայրերում։