Յանուկովիչի լիազորությունները կսահմանափակվեն 48 ժամվա ընթացքում. ԶԼՄ-ներ

Ուկրաինայում իրավիճակի կարգավորման հարցով համաձայնագրի նախագիծը ենթադրում է նախագահ Վիկտոր Յանուկովիչի լիազորությունների սահմանափակում 48 ժամվա ընթացքում: Այս մասին հայտնում է Украинская правда-ն:

Այս համաձայնագիրը նախատեսում է նաև կոալիցիոն կառավարության ձևավորում 10 օրվա ընթացքում: Շրջանառվում է նաև, որ Յանուկովիչը համաձայնել է անցկացնել արտահերթ նախագահական ընտրություններ 2014 թվականի դեկտեմբերին:

Աղբյուրը նաև նշում է, որ կողմերը պայմանավորվել են տեղեկություններ չհրապարակել համաձայնագրի մասին, մինչև դրա հաստատումը: