Թուրքիան սիրիացիների համար փակել է սահմանադռները. Haberler

Թուրքիան որոշել է իր սահմանադռները փակել սիրիացի փախստականների առաջ: Այս մասին հայտնում է թուրքական «Հաբերլեր» լրատվական կայքը: Նշվում է, որ Թուրքիան սիրիացի փախստականների համար մինչ այժմ կիրառվող «բաց դուռ» քաղաքականությունն առկախել է' փախստականների վրա կատարվող ծախսերի' գնալով ավելանալու պատճառով: Սիրիացի փախստականներն այսուհետև կարող են տեղավորվել միայն սահմանի սիրիական մասում գտնվող ճամբարներում:

Միջազգային կազմակերպությունների օգնությամբ Թուրքիայի հետ սահմանի սիրիական մասում փախստականների համար 55 ճամբարներ են կառուցվել: Թուրքիայի տարածքում կառուցված 22 ճամբարներում 220 հազար սիրիացի փախստականներ են ապաստանում: