«Ռուսաստանի համար ճակատամարտը շարունակվում է. հաղթանակը մերն է լինելու». Պուտին

Ռուսաստանի վարչապետ և նախագահի թեկնածու Վլադիմիր Պուտինը ելույթ է ունեցել իրեն աջակցելու համար «Լուժնիկի» մարզադաշտում կազմակերպված հանրահավաքի մասնակիցների առաջ։

Նա մարզադաշտի խոտածածկի վրա պատրաստված, սակայն նախապես չծրագրված բեմից իր ելույթը եզրափակել է հետևյալ արտահայտությամբ. «Ռուսաստանի համար ճակատամարտը շարունակվում է. հաղթանակը մերն է լինելու», որից հետո նա իջել է բեմից և ողջունել հանրահավաքի մասնակիցներին։ 

Ավելի վաղ ելույթ էր ունեցել Մոսկվայի քաղաքապետ Սերգեյ Սոբյանինը, որն իր ելույթը կառուցել էր հանրահավաքի մասնակիցների կողմից հնչեցրած հարցերի հիման վրա։ 

70 հազար նստատեղ ունեցող մարզադաշտը լեփ–լեցուն է եղել հանրահավաքի մասնակիցներով, մոտ 20 հազար մարդ հանրահավաքին հետևել է մարզադաշտից դուրս գտնվող տարածքից։ Նշվում է, որ «Ի պաշտպանություն Պուտինի» հանրահավաքին մասնակցել է շուրջ 100 հազար մարդ, սակայն ավելի վաղ Մոսկվայի ոստիկանությունը հայտնել էր, որ հանրահավաքի մասնակիցների թիվը հասել է 130 հազարի, հաղորդում է Газета.Ru–ն։