Թուրքիայում բանտից ազատել են Հրանտ Դինքին սպառնացած գեներալին. «Զաման»
Համաշխարհային Մամուլ
Երեքշաբթի երեկոյան Թուրքիայում բանտից ազատ են արձակվել պետական հեղաշրջման փորձ կատարելու մեղադրանքով «Էրգենեկոն» աղմկալից դատական գործով դատապարտված ևս երկու գեներալներ' Վելի Քյուչյուքը և Լևենթ Էրսյոզը: Այս մասին հայտնում է թուրքական «Զաման» թերթը:
Նախօրեին Ստամբուլի 13-րդ ծանր հանցագործությունների դատարանը մերժել էր իր նկատմամբ կալանքի խափանման միջոցը փոխելու մասին Վելի Քյուչյուքի պահանջը, սակայն, Ստամբուլի 14-րդ ծանր հանցագործությունների դատարանը վճռել է նրան ազատ արձակել' պահպանելով նրա նկատմամբ դատական գործընթացը:
Ավելի վաղ Ստամբուլի դատարանը որոշում էր ընդունել ազատ արձակել «Էրգենեկոն» դատական գործով ձերբակալված գեներալներ Մեհմեթ Էրոզին, Թունջեր Քըլընջին, Հուրշիթ Թոլոնին և Իլքեր Բաշբուղին:
Վելի Քյուչյուքը համարվում էր Թուրքիայում գործող վարչակարգի գլխավոր հակառակորդը: Թուրքիայի իշխանությունները ծայրահեղական ազգայնական «Էրգենեկոն» խմբավորումը երկար ժամանակ համարել են ահաբեկչական կազմակերպություն: Թուրքիայի հանրապետական դատախազության մեղադրականի համաձայն` «Էրգենեկոնի» գլխավոր նպատակը երկրում քաոսի և անարխիայի մթնոլորտ ստեղծելու միջոցով պետական հեղաշրջման համար հող նախապատրաստելն է:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
