Համաշխարհային սարդոստայնի հիմնադիրը դեմ է Համացանցի վերահսկողությանը. BBC

Համաշխարհային սարդոստայնի ստեղծողը՝ Թիմ Բեռներս-Լին, կոչ է արել գլոբալ «Բիլ իրավունքների մասին» ստեղծել Համացանցում, որպեսզի երաշխավորվի ցանցի անկախությունը, տեղեկացնում է BBC-ին:

Համաշխարհային սարդոստայնի 25-ամյակին նվիրված իր ելույթում Բեռներս-Լին գանգատվել է, որ Համացանցի օգտատերերն ավելի ու ավելի հաճախ են ընկնում կառավարությունների ու կորպորացիաների վերահսկողության տակ:

Նրա խոսքով՝ առանց ազատ Համացանցի հնարավոր չէ բաց կառավարության ստեղծումը: Նա նաեւ ընդգծել է, թե անհրաժեշտ է պաշտպանել այն սկզբունքները, որոնք ապահովել են Համացանցի հաջողությունը:

Բեռներս-Լին որպես Համաշխարհային սարդոստայնի (World Wide Web) ստեղծման նախագիծն առաջարկել է 1989 թվականին, երբ աշխատում էր CERN-ում:

Ինչպես արդեն հաղորդվել է, մարտի 12-ին նշվում է Համացանցում խոսքի ազատության օրը: «Լրագրողներ առանց սահմանների» միջազգային կազմակերպությունը՝ ՅՈՒՆԵՍԿՕ-ի հովանավորությամբ՝ ամբողջ աշխահով մեկ Համացանց ազատ մուտքի հիմնախնդրի նկատմամբ հասարակայնության ուշադրությունը գրավելու համար առաջին անգամ Համացանցում խոսքի ազատության օրն անցկացրել է 2008 թվականի մարտի 12-ին:

Ամեն տարի կազմակերպությունը հրապարակում Է «Համացանցի թշնամիների» (Internet Enemies) սեփական ցուցակը:

2008 թվականի մարտի 12-ին Համացանցում խոսքի ազատության ամենաառաջին օրը «Լրագրողներ առանց սահմանների»-ն օգտատերերին հրավիրել Է այցելել կազմակերպության կայք՝ բողոքելու գրաքննության դեմ, որը չարաշահում են առանձին երկրների կառավարություններ, եւ ավելի մեծ իրավունքներ պահանջելու Համացանցի օգտատերերի համար: «Լրագրողներ առանց սահմանների» կազմակերպությունը կոչ էր արել մասնակցել ինը երկրի՝ Բիրմայի, Չինաստանի, ԿԺԴՀ-ի, Կուբայի, Եգիպտոսի, Էրիթրեայի, Թունիսի, Թուրքմենստանի և Վիետնամի դեմ բողոքի ակցիային: