Լեոնարդո Դա Վինչիի գծագրով նոր երաժշտական գործիք է ստեղծվել. Repubblica
Համաշխարհային Մամուլ
Միլանում «Լեոնարդոյի աշխարհ» ցուցահանդեսի շրջանակներում ցուցադրվել է «Երաժշտական ատրճանակ» երաժշտական գործիքը, որը ստեղծվել է աշխարհահռչակ նկարիչ Լեոնարդո Դա Վինչիի նախագծով:
Ինչպես հաղորդում է իտալական Repubblica-ն, երաժշտական գործիքն իրենից ներկայացնում է անիվի վրա հավաքած խողովակներ, որոնք հիշեցնում են ատրճանակ: Երաժշտական գործիքի էսքիզները դարեր շարունակ պահպանվել են Լոնդոնի բրիտանական գրադարանում: «Լեոնարդոյի աշխարհը» ցուցահանդեսի կազմակերպիչ Էդուարդո Զանոն հայտարարել է, որ առաջիկա ամիսներին կցուցադրվեն Դա Վինչիի էսքիզների հիման վրա ստեղծված նոր հետաքրքրական իրեր:
Թեպետ ցուցահանդեսի բացումը տեղի ունեցել մի քանի օր առաջ, սակայն երաժշտական գործիքը տեսած այցելուների թիվը գերազանցել է 175 հազարը: Նրանց մեծ մասն օտարերկրացի զբոսաշրջիկներ են:
Ցուցահանդեսի կազմակերպիչները` հաշվի առնելով երաժշտական գործիքի հանդեպ հասարակական մեծ հետաքրքրությունը, որոշում են կայացրել, որ ցուցադրությունը կշարունակվի մինչև 2015թ-ն:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
