Վրաստանի նախագահն զգոնության կոչ է արել Ղրիմի շուրջ ստեղծված իրադրության կապակցությամբ. Agence France-Presse

Վրաստանի նախագահ Գեորգի Մարգվելաշվիլին զգոնության կոչ է արել Ուկրաինայի շուրջ ստեղծված իրադրության և Ռուսաստանի գործողությունների կապակցությամբ:

«Այն փաստը, որ Ռուսաստանի կողմից 2008 թվականին Վրաստանում կիրառված սցենարը, երբ ՌԴ-ն ռազմական ուժի օգնությամբ զավթեց ինքնիշխան պետության տարածքները, այժմ, 2014 թվականին, կրկին կիրառում է այլ երկրի դեմ, ապացուցում է, որ վերջին վեց տարվա ընթացքում մենք և մեր գործընկերները չկարողացանք դիմակայել Ռուսաստանին: Այսօր մենք ափսոսանքով կարող ենք ասել, որ մենք և միջազգային հանրակցությունը չկարողացանք օգտագործել այդ վեց տարիները, որպեսզի Ռուսաստանին ստիպենք հասկանալ, որ նմանօրինակ գործողությունները ճիշտ չեն և անարդյունավետ են»,-ասել է Մարգվելաշվիլին AFP-ին տված հարցազրույցում:

Նրա խոսքով՝ այն, ինչ Ռուսաստանին հաջողվեց 2008 թվականին անել Վրաստանում, Մոսկվային առիթ տվեց կարծելու, որ դա նրան կհաջողվի նաև ուկրաինական Ղրիմում: