Հայ դատի նոր հանձնախումբ է բացվել Լեհաստանի մայրաքաղաք Վարշավայում. Ասպարեզ
Համաշխարհային Մամուլ
Արդարության և Ժողովրդավարության Եվրոպայի հայկական ֆեդերացիայի նախաձեռնությամբ Հայ դատի նոր հանձնախումբ է բացվել Լեհաստանի մայրաքաղաք Վարշավայում: Լեհաստանն այն երկրներից, որի խորհրդարանը ճանաչել է Հայոց ցեղասպանությունը: Ինչպես հաղորդում է «Ասպարեզ» պարբերականը, նոր հանձնախմբի բացման արարողությանը ներկա է եղել Հայ դատի Եվրոպայի հանձնախմբի գործադիր տնօրեն Գասպար Կարապետյանը:
Հայ դատի Լեհաստանի հանձնախումբն արդեն հրավիրել է իր առաջին հանդիպումը, որի ժամանակ ընդունել է հանձնախմբի աշխատանքային օրակարգը և առաջիկա ամիսների գործողությունների ծրագիրը: Առանձին նախագծերի և ծավալած գործունեության միջոցով այն կաշխատի լեհական հասարակական և քաղաքական շրջանակներում Հայկական հարցի վերաբերյալ իրազեկվածության բարձրացման ուղղությամբ' միաժամանակ սերտ հարաբերություններ հաստատելով տեղի ՀՀ դեսպանատան և Լեհաստանում գործող հայկական ասոցիացիաների հետ:
Հանձնախումբը բաց է ցանկացած առաջարկների և գաղափարների համար' հուսալով ստանալ Լեհաստանի մեր հայրենակիցների ակտիվ աջակցությունը:
Հայոց ցեղասպանությունը ճանաչող բանաձևը Լեհաստանի խորհրդարանն ընդունել է 2005 թվականի ապրիլի 19-ին: Բանաձի ընդունումից հետո վատթարացել էին այդ երկրի հարաբերությունները Անկարայի հետ:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
