Ռաստոռգուևը չի ծառայել, իսկ Զվերևը ռուսական բանակի սպա է

Երեկ՝ փետրվարի 23-ին, Ռուսաստանում նշում էին Հայրենիքի պաշտպանի օրը։ Այս առումով հետաքրքիր էր իմանալ, որ «Լյուբե» խմբի մեներգիչ Նիկոլայ Ռաստորգուևը, որն այդքան շատ է սիրում բեմ դուրս գալ զինվորական համազգեստով, և ընդհանրապես մարմնավորում է ռուսական շոու–բիզնեսի տղամարդկային կերպարը, իրականում չի ծառայել բանակում։

Վերջերս տված հարցազրույցներից մեկում նա անկեղծացել էր, որ երիտասարդ տարիներին երազել է դառնալ դեսանտի զինծառայող, սակայն նրան չեն ընդունել՝ առողջական վիճակի պատճառով։ Սակայն Նիկոլայն այդքան էլ շատ չի տխրել, քանի որ իրական կյանքում չիրականացած երազանքը երգիչը մեծ հաջողությամբ կյանքի կոչեց բեմի վրա։

Ավելի հետաքրքիր փաստ է այն, որ ռուսական շոու–բիզնեսի «ամենագլամուրային» երգիչներից մեկը՝ Սերգեյ Զվերևը, որին շատերը նույնիսկ տղամարդ էլ չեն համարում, մեծ հաջողությամբ է ծառայել զինված ուժերում՝ ստանալով սպայի կոչում։ Ուղղակի այդ մասին Սերգեյն այդքան էլ չի սիրում խոսել։