Թինա Կանդելակին դասախոսություն է կարդացել

«Հանուն արդար ընտրությունների» կորպուսի մոսկովյան բաժանմունքի ավելի քան 3 հազար անդամներ իրավաբանության դասեր են անցել Ռուսաստանի պետական սոցիալական համալսարանում, հաղորդում է «Интерфакс»–ը։ 

Շաբաթ օրը ապագա դիտորդների առջև դասախոսություններով ելույթ ունեցան ճանաչված իրավաբաններ և հասարակական գործիչներ, որոնց շարքում էին Վլադիմիր Պլագինը, Պավել Կռաշեննիկովը, Վլադիմիր Մեդինսկին, Միխաիլ Բարշեվսկին և այլոք։ 

Հաղորդավարուհի Թինա Կանդելակին, որ գլխավորելու է «Հանուն արդար ընտրությունների» կորպուսի հասարակական խորհուրդը, նույնպես ելույթ ունեցավ ՌՊՍՀ–ում՝ կոչ անելով բոլոր դիտորդներին տեսաձայնագրություն կատարել բոլոր ընտրատեղամասերում և հարցում անկացնել ընտրողների շրջանում։

«Լավագույն տեսաձայնագրությունները կտեղադրվեն կայքում»,– խոստացել է Կանդելակին։

Ինչպես «Интерфакс»–ին հաղորդել է դիտորդների կորպուսի մամլո քրտուղար Պոլինա Ցիպկոն՝ կազմակերպության մոսկովյան բաժանմունքը հիմնականում կազմված է 18-35 տարեկան ուսանողներից և երիտասարդ իրավաբաններից։ Ընդհանուր հաշվով «Հանուն արդար ընտրությունների» կազմակերպությանը անդամակցում են 65 հազար դիտորդներ՝ Ռուսաստանի 81 մարզերից։